Rusiya Müdafiə Nazirliyi ilin sonunadək Rusiyanın ilk dəniz dronları ilə təmin olunacaq, onlar Ukraynaya qarşı tətbiq olunacaqlar.
"Operativ Məlumat Mərkəzi-OMM" "RİA Novosti''yə istinadən xəbər verir ki, bu barədə ölkənin Kingisepp Maşınqayırma Zavodunun idarəçi direktoru Mixail Danilenko danışıb.
“Müdafiə Nazirliyi artıq bu ilin sonunadək göndərməli olduğumuz ilk 10 vahidin təhvil verilməsi ilə bağlı razılığa gəlib”, – o deyib.
Danilenkonun sözlərinə görə, bu, “xüsusi hərbi əməliyyat” bölgəsində sınanacaq ilk təcrübə partiyasıdır.
Xatırladaq ki, 2022-ci ilin oktyabrın 29-da Ukrayna ordusu Sevastopol şəhərinin sahilində Rusiyanın Hərbi Donanmasına qarşı dəniz müharibəsi tarixində ilk dəfə koordinasiyalı şəkildə hava və dəniz dronlarının vasitəsilə əməliyyat həyata keçirib. Ümumiyyətlə bir il ərzində Ukraynanın dəniz dronları Rusiyanın səkkiz gəmisini sıradan çıxarıblar.
