Şimali Koreya lideri Kim Çen In Rusiya Prezidenti Vladimir Putinə ad günü münasibətilə göndərdiyi mesajda iki ölkə arasındakı ittifaqın güclənərək inkişaf etməyə davam edəcəyini bildirib.
"Operativ Məlumat Mərkəzi-OMM" xəbər verir ki, bununla bağlı xarici KİV məlumat yayıb.
Kim iki ölkə arasındakı ittifaqın güclənərək davam edəcəyini bildirərək Pxenyan və Moskvanın həmişə birlikdə olacağını qeyd edib.
Rusiyanın Ukrayna ilə apardığı münaqişədə Rusiyaya dəstəyini bir daha ifadə edən Kim, keçən il iki lider arasında imzalanan dövlətlərarası müqavilənin icrasına qardaşlıq borcu kimi sadiq qalacaqlarını vurğulayıb.
O, Rusiyanın Putin sayəsində çoxqütblü dünya nizamının formalaşmasında öncül rol oynadığını bildirib.
