Rusiyanın Fransanın Marsel şəhərindəki Baş Konsulluğunda baş vermiş partlayışla bağlı Rusiya İstintaq Komitəsi cinayət işi açıb.
"Operativ Məlumat Mərkəzi-OMM" xəbər verir ki, bu barədə Rusiya İstintaq Komitəsinin rəsmi nümayəndəsi Svetlana Petrenko bildirib.
“Biz cinayət işi çərçivəsində Rusiya Xarici İşlər Nazirliyi ilə əməkdaşlıq edirik və beynəlxalq hüquqi yardım üçün sorğu hazırlayırıq. Hadisənin bütün şəraiti açıqlanır”,- deyə o qeyd edib.
İş “Beynəlxalq müdafiədən yararlanan şəxslərə və ya təşkilatlara hücum” maddəsi ilə açılıb. Bu cinayətə görə maksimum cəza 20 ilə qədər həbsdir.
