"Azərbaycan xalqı dövlətçiliyinə və Prezident İlham Əliyevin siyasətinə sarsılmaz inam nümayiş etdirir".
"Operativ Məlumat Mərkəzi-OMM" xəbər verir ki, bunu Milli Məclisin plenar iclasında çıxış edən millət vəkili Məlahət İbrahimqızı bildirib.
Deputatın sözlərinə görə, ölkədə sabitliyi pozmağa, hakimiyyəti zorla ələ keçirməyə cəhd edən qüvvələrin fəaliyyəti həm Heydər Əliyev irsinə, həm də şəhidlərin xatirəsinə xəyanətdir.
O qeyd edib ki, Azərbaycan xalqı dövlət çevrilişlərinə cəhdlərin qarşısında həmişə bir yumruq kimi birləşib, ulu öndər Heydər Əliyevin və Müzəffər Ali Baş Komandan İlham Əliyevin ətrafında dayanıb.
Millət vəkili vurğulayıb ki, dövlətə və Prezidentə qarşı xəyanət edən hər bir şəxs, o cümlədən Ramiz Mehdiyev və onun silahdaşları qanun qarşısında cavab verməlidirlər.
Aidə Qurbanlı
