Afət Ziyadqızı
BMT Təhlükəsizlik Şurasının daimi üzvləri - Böyük Britaniya, Çin, Rusiya, ABŞ və Fransa nüfuzlarını xeyli itiriblər, əvəzində İsrail, İran və Türkiyə kimi regional oyunçular münaqişələrin həllində daha böyük təsirə malikdirlər.
"Operativ Məlumat Mərkəzi-OMM" xarici KİV-ə istinadən xəbər verir ki, bu barədə BMT-nin Baş katibi Antoniu Quterriş Dünya İqtisadi Forumunun iclasında bildirib.
“BMT Təhlükəsizlik Şurasının 5 daimi üzvü bu gün daha az təsirə malikdir. Etiraf etməlisiniz ki, bu gün baş verənlərə böyük güclərdən daha çox təsir edən orta güclər var. İsrail, İran, Türkiyə kimi ölkələr yaxın keçmişdə üzləşdiyim böhranlarda Təhlükəsizlik Şurasının beş daimi üzvündən qat-qat daha təsirli olublar. Daimi üzvlər isə asanlıqla razılaşdıra biləcəkləri bir qətnamə mətni üzərində həftələrlə çalışırlar”, - A.Quterriş deyib.
