Norveçin baş naziri Jonas Gahr Store İsrailin zolağa hücumlarını bərpa etməsindən sonra vəziyyətin Qəzza xalqı üçün "böyük faciə" olduğunu deyib.
"Operativ Məlumat Mərkəzi-OMM" xəbər verir ki, bununla bağlı xarici KİV məlumat yayıb.
Bildirilib ki, İsrailin Qəzzaya hücumlarını yenidən başlatmasından sonra Store məsələ ilə bağlı açıqlamalar verib.
Vəziyyəti Qəzza xalqı üçün böyük faciə olaraq xarakterizə edən Store, bu insanların demək olar ki, müdafiəsiz olduqlarını və əksəriyyətinin müvəqqəti çadırlarda qaldığını bildirib.
Store beynəlxalq ictimaiyyəti müdafiəsiz insanların yaşadığı ərazilərin bombalanmasına son qoymağa çağırıb.
Norveçin xarici işlər naziri Espen Barth Eide atəşkəs rejimini qorumağa çağırıb.
