Ukraynada xarici qoşunların mövcudluğunun əsas hissəsini Fransa və Britaniya qüvvələri təşkil edəcək.
"Operativ Məlumat Mərkəzi-OMM"xəbər verir ki, “Politico” Avropa rəsmilərinə istinadən məlumat yayıb.
Onların fikrincə, London və Paris digər müttəfiqlərinə hərbi aktivlərin verilməsinə kömək etmək üçün lobbiçilik edirlər.
Avropalı siyasətçilər ABŞ prezidenti Donald Trampın avqustun 18-də Vaşinqtonda Vladimir Zelenski ilə görüşündən sonra Qərb qoşunlarının Ukraynaya mümkün yerləşdirilməsi məsələsini fəal müzakirə etməyə başlayıblar. Moskva NATO-nun Ukraynada mövcudluğuna qarşıdır. Rusiyanın xarici işlər naziri Sergey Lavrov avqustun 21-də bəyan edib ki, “Ukrayna torpaqlarının müəyyən hissəsinə xarici hərbi müdaxilə” vasitəsilə təhlükəsizlik zəmanətlərinin təmin edilməsi Moskva üçün qəbuledilməzdir.
