Qazaxıstan Prezidenti Kasım-Jomart Tokayev Qazaxıstanın Çinlə əlaqələri fəal şəkildə inkişaf etdirməyi planlaşdırdığını və iki ölkə arasında qarşılıqlı fəaliyyətin məqsədlərindən birinin qarşılıqlı ticarət dövriyyəsini 100 milyard dollara çatdırmaq olduğunu bildirib.
"Operativ Məlumat Mərkəzi-OMM" xəbər verir ki, o, bu barədə Çinin Sinxua agentliyinə müsahibəsində bildirib.
“Vurğulamaq istərdim ki, biz Çinlə çoxşaxəli əlaqələrimizi daha da dərinləşdirmək üçün özümüzə iddialı planlar qoyuruq. Bunun üçün bütün lazımi ilkin şərtlər və şərait yaradılır”, - deyə Tokayev qeyd edib.
Siyasətçinin sözlərinə görə, Çin və Qazaxıstan arasında qarşılıqlı əlaqələrin yüksək artım dinamikasını nəzərə alaraq ticarət dövriyyəsinin artırılması əldə edilə bilən məqsəddir.
Tokayev hesab edir ki, ümumilikdə ölkələr arasında münasibətlər koronavirus pandemiyasından sonra daha yüksək səviyyəyə çatıb və dövlətlər bununla dayanmayacaq.
