Əli Məmmədli
“İlk dəfə Bakıda MINEPS konfransı təkcə nazirlərin deyil, həm də idmançıların və özəl sektor nümayəndələrinin iştirakı ilə keçirilir. Ona görə də bu forum tarixi olacaq”.
"Operativ Məlumat Mərkəzi-OMM" xəbər verir ki, bunu UNESCO-nun Baş direktorunun sosial və humanitar elmlər üzrə müavini Qabriela Ramos Bakıda keçirilən Bədən Tərbiyəsi və İdman üzrə Nazirlərin və Yüksək Vəzifəli Şəxslərin VII Beynəlxalq Konfransının (MINEPS VII) açılışında deyib.
Onun sözlərinə görə, bədən tərbiyəsi və idman sahəsi daim müxtəlif problemlərlə üzləşir: “Təhsil və mədəniyyətlə yanaşı, idman mövzusu da daim gündəmdə qalmalıdır”.
Q.Ramos idmana daha çox sərmayə qoymağa, onun inkişafının bütün ölkələrdə daha fəal təbliğinə dair çağırış edib.
Həmçinin UNESCO-nun baş direktorunun müavini idmanda gender bərabərliyinin təmin edilməsinin vacibliyini də vurğulayıb.
