Gürcüstanda prezident seçkiləri bu il keçiriləcək.
"Operativ Məlumat Mərkəzi-OMM" xəbər verir ki, bu barədə jurnalistlərə Gürcüstan parlamentinin spikeri Şalva Papuaşvili məlumat verib.
“Biz prezidenti beş il müddətinə seçməliyik, buna görə də prezidentin beş il müddətinə seçilməsi üçün seçkilərin və andiçmə mərasiminin bu il keçirilməsi vacibdir”, - Papuaşvili bildirib.
Gürcüstanın qanunverici orqanının rəhbəri onu da əlavə edib ki, parlament prezident seçkilərinin dəqiq tarixini sabah açıqlayacaq.
