Portuqaliya Prezidenti Marselo Rebelo de Sousa Fələstinin rəsmi və bütün hüquqları ilə tanınmasının Yaxın Şərqdə davamlı sülhün yeganə yolu olduğunu bildirib.
"Operativ Məlumat Mərkəzi-OMM" xəbər verir, bununla bağlı xarici KİV məlumat yayıb.
"Portuqaliya olaraq biz sülh, ədalət və sabitlik naminə Fələstin Dövlətinin tanınmasını və iki dövlətli həlli dəstəkləyirik", - o bildirib.
"Portuqaliya rəsmi və bütün hüquqları ilə Fələstin Dövlətini tanıyır. Bu qərar Yaxın Şərqdə davamlı sülhə gedən tək yoldur. Portuqaliyanın mesajı açıqdır: Fələstin Dövlətinin tanınması sülhün tanınmasıdır. Sabah gec ola bilər. Portuqaliya olaraq biz hər zaman və açıq şəkildə BMT qərarı ilə iki dövlətli həlli dəstəkləmişik. Fələstin və İsrail yalnız dialoq və əməkdaşlıq yolu ilə iki dövlətli həllə və davamlı sülhə çata bilərlər və Portuqaliya bu yolda aktiv şəkildə işləməyə hazırdır", - Marselo Rebelo de Sousa əlavə edib.
