2022-ci ildə ali təhsil müəssisələrinə qəbul imtahanlarında iştirak edən məzunların 22 faizi dövlət ali məktəblərinə dövlət sifarişi əsasında qəbul olunub.
"Operativ Məlumat Mərkəzi-OMM" xəbər verir ki, bu barədə “Abituriyent” jurnalının 12-ci buraxılışında bildirilib. İmtahanlarda iştirak edənlərin 1,3 faizi özəl ali təhsil müəssisələrinə dövlət sifarişi əsasında qəbul olanlardır. 15,1 faizi dövlət ali təhsil müəssisələrinə ödənişli əsaslarla, 4,1 faizi özəl ali məktəblərə ödənişli əsaslarla qəbul olublar. İmtahanda iştirak edənlərin 8,5 faizi tam orta təhsil bazasında orta ixtisas təhsili müəssisələrinə qəbul olunublar. 18,6% məzun qəbul kampaniyasında iştirak etməyib. İmtahanlarda iştirak edənlərin 30,5 faizi isə qəbul olmayanlardır.
