Olimpiya çempionlarımız Hidayət Heydərov və Zelim Kotsoyev ümummilli lider Heydər Əliyevin məzarını ziyarət ediblər.
"Operativ Məlumat Mərkəzi-OMM" xəbər verir ki, Fransanın paytaxtı Parisdə keçirilən Yay Olimpiya Oyunlarında çıxış edən və qızıl medalın sahibi olan cüdoçularımız Vətənə qayıtdıqdan sonra həmçinin görkəmli oftalmoloq-alim, akademik Zərifə Əliyevanın da məzarını ziyarət ediblər.
Onlar, həmçinin Şəhidlər Xiyabanını ziyarət ediblər və şəhidlərin əziz xatirələrini bir dəqiqəlik sükutla yad ediblər.
Qeyd edək ki, Hidayət Heydərov və Zelim Kotsoyev Fransanın paytaxtı Parisdə keçirilən Yay Olimpiya Oyunlarında bütün rəqiblərini üstələyərək qızıl medalın sahibi olublar.
