Numan Kurtulmuş: “İslam ölkələri arasında əməkdaşlıq, həmrəylik güclənməlidir”

Türkiyə Böyük Millət Məclisinin (TBMM) sədri Numan Kurtulmuş islam ölkələri arasında əməkdaşlığın, həmrəyliyin gücləndirilməsinin vacib olduğunu bildirib.

"Operativ Məlumat Mərkəzi-OMM"-in məlumatına görə, o, İslam Əməkdaşlıq Təşkilatının (İƏT) IV Beynəlxalq Liseylər Sammitində çıxışı zamanı islam dünyasını birgə daha yuxarı zirvələrə aparılmasını zəruri sayıb:

"Bunun üçün hər birimiz çalışmalıyıq. Həmçinin BMT-nin də yenidən formalaşdırılmasına ehtiyac var”.

N.Kurtulmuş vurğulayıb ki, indi dünyanın ən müxtəlif yerlərində haqsızlıq hökm sürür: “Belə bir şəraitdə irəli getmək mümkün deyil. Daha ədalətli dünyanın qurulması üçün hər birimizin üzərinə məsuliyyət düşür. Dünyadakı 200 ölkənin hər biri suveren və bərabərhüquqlu olmalıdır. Bunun üçün çalışmalıyıq”.