Nigeriyada sərnişin qayığı qəzaya uğrayıb, ölənlər var

Nigeriyanın Taraba əyalətində sərnişinləri daşıyan qayığın batması nəticəsində 15 nəfər həyatını itirib.

"Operativ Məlumat Mərkəzi-OMM" xəbər verir ki, bu barədə "Daily Trust" nəşri məlumat yayıb.

Məlumata əsasən, Mayorenero bölgəsindəki balıq bazarından Taraba əyalətinə qayıdan 100-dən çox sərnişini daşıyan qayıq Benue çayında aşıb.

Hadisənin baş verdiyi bölgədə xilasetmə işlərinin davam etdiyini bildirən rəsmilər ölənlərin sayının artacağını güman edib.