İsrailin baş naziri Benyamin Netanyahu bildirib ki, "dünyada heç bir güc" onların təxminən 1,5 milyon fələstinlinin sığındığı Rəfah şəhərinə qurudan hücum planlaşdırmağa mane ola bilməz.
"Operativ Məlumat Mərkəzi-OMM" xəbər verir ki, baş nazirliyin mətbuat xidmətindən verilən açıqlamaya görə, Netanyahu Tel Haşomerdəki hərbi bazaya səfəri zamanı qiymətləndirmələr aparıb.
Netanyahu oktyabrın 7-dən etibarən Qəzzaya hücumlarını davam etdirən İsrailin məqsədinin "məhbusları evlərinə qaytarmaq, HƏMAS-ı aradan qaldırmaq və Qəzzanın bir daha İsrail üçün təhlükə yaratmamasını təmin etmək" olduğunu bildirib.
Beynəlxalq ictimaiyyətin, xüsusilə ABŞ-ın etiraz etdiyi Rəfaha quru hücumundan danışan Netanyahu, "Rəfah da daxil olmaqla, HƏMAS batalyonlarının məhvini tamamlayacağıq. Dünyada heç bir güc bizi dayandıra bilməyəcək", - deyib.
Baş nazir Netanyahu dünən Rəfaha quru hücumunun tarixinin müəyyən edildiyini açıqlayıb.
