“Neftçi” Azərbaycan Premyer Liqasının 26-cı turunda “Şamaxı”nı məğlub edib (1:0).
"Operativ Məlumat Mərkəzi-OMM" xəbər verir ki, bu matç “ağ-qaralar” üçün əlamətdar olub. Həmin qələbə sayəsində “Neftçi” Azərbaycan çempionatlarında 500-cü qələbəsini qazanıb.
Bakılılar ölkə çempionatındakı 879-cu matçında 500-ə çatıblar. Paytaxt təmsilçisi evdə 276, səfərdə 217, neytral meydanda 7 dəfə qələbə qazanıb.
Bütün çempionatların iştirakçısı olan “Neftçi” ilk qələbəsini 1992-ci ildə qazanıb. Mayın 8-də Sumqayıt “Xəzər”i ilə qarşılaşan paytaxt klubu 1:0 hesabı ilə üstün olub.
“Neftçi” qələbə sayında yalnız “Qarabağ”dan geri qalır. Ağdamlılar 505 dəfə rəqibini məğlub edib.
