Neftçala rayonlarında ağır xəsarətlə nəticələnən yol-nəqliyyat hadisəsi baş verib.
"Operativ Məlumat Mərkəzi-OMM"-in məlumatına görə, 1990-cı il təvəllüdlü Abdullayev Nicat Şəmsəddin oğlu idarə etdiyi motosikletlə hərəkətdə olarkən avtomobillə toqquşub.
Hadisə zamanı ağır xəsarətlər alan motosikletin sürücüsü təcili tibbi yardımın köməkliyi ilə Bakıda yerləşən xəstəxanaların birinə gətirilib.
O, reanimasiya şöbəsinə yerləşdirilib. Hadisənin təfərrüatı araşdırılır.
