Əli Məmmədli
Azərbaycanda müasir kənd təsərrüfatı üçün suvarma sistemi qapalı şəbəkə olmalıdır.
"Operativ Məlumat Mərkəzi-OMM" xəbər verir ki, bunu Kənd Təsərrüfatı Nazirliyinin Torpaqdan İstifadəyə Nəzarət Şöbəsinin müdiri Firudin Tağıyev bildirib.
"Biz işğaldan azad edilmiş ərazilərdə müasir kənd təsərrüfatı sisteminin qurulmasının tərəfdarıyıq. Bunun üçün isə suvarma sistemi qapalı şəbəkə olmalıdır. Biz layihəyə rəy verərkən bunu mütləq qeyd edirik ki, suvarma boruları keçən kənd təsərrüfatı əhəmiyyətli torpaqların ilk olaraq üst münbit qatı rekultivasiya edilməli, Daha sonra yerinə qoyulmalıdır. Biz rəyimizi verəndə bunu mütləq tələb etmişik”, - deyə o qeyd edib.
