Afət Ziyadqızı
2025-ci ildə Ukrayna NATO-dan əlavə maliyyə yardımı alacaq.
"Operativ Məlumat Mərkəzi-OMM" xəbər verir ki, bu barədə Şimali Atlantika Alyansının Ukraynadakı nümayəndəliyinin rəhbəri Patrik Turner bildirib.
O, 2025-ci ildə Ukraynaya dəstək məsələlərinin gələn ilin fevralında alyansın müdafiə nazirlərinin görüşündə müzakirə olunacağını bəyan edib.
“Biz bilirik ki, bir çox alyans ölkələri, o cümlədən Avropadakı müttəfiqlərimiz və ABŞ əlavə yardım vəd edib. Söhbət dəstəyin həcminin artırılmasından gedir”, - NATO nümayəndəsi bildirib.
Turner qeyd edib ki, alyans Ukraynaya təhlükəsizlik ehtiyacları üçün 40 milyard avro ayıracaq.
