İtaliyanın Baş nazirinin müavini Matteo Salvini Ukraynada döyüş əməliyyatları başa çatdıqdan sonra Rusiyaya səfər etməyi planlaşdırdığını bildirib.
"Operativ Məlumat Mərkəzi-OMM" xəbər verir ki, bununla bağlı xarici KİV məlumat yayıb.
“Vaşinqtona getməyi və müharibə bitdikdən sonra Moskvaya səfər etməyi planlaşdırıram. İtaliya körpülər qurmağa borcludur”, – o bildirib.
Matteo Salvini İtaliya şirkətlərinin məhsullarının təşviq edilməsinin vacibliyini vurğulayaraq, son səfərlərinin Çin və Yaponiyaya olduğunu, yaxın vaxtlarda isə Misirə və Əbu-Dabiyə gedəcəyini qeyd edib.
Bundan əvvəl Salvini bəyan etmişdi ki, Rusiya onun ölkəsi üçün düşmən deyil.
