DİM sədri: “İmtahan zalına bıçaq və qumbara keçirmək halları da olub”

“Əvvəllər imtahan zalına hansısa alətləri keçirmək istəyiblər, imtahan zalına bıçaq və qumbara keçirmək halları da olub”.

"Operativ Məlumat Mərkəzi-OMM" xəbər verir ki, bunu Dövlət İmtahan Mərkəzinin Direktorlar Şurasının sədri Məleykə Abbaszadə ali təhsil müəssisələrinə sənəd qəbulunun başa çatması və buraxılış imtahanlarına həsr olunmuş mətbuat konfransında deyib.

O bildirib ki, kriminal xronikanı heç vaxt şişirtməyiblər:

"Çünki hüquq-mühafizə orqanları prosesə nəzarət edir və belə hallar olanda aradan qaldırılır".