Afət Ziyadqızı
Rusiyanın "Lukoyl" neft şirkəti ABŞ Maliyyə Nazirliyindən əməliyyatlarını başa çatdırmaq üçün sanksiyaların qüvvəyə minmə tarixini təxirə salmağı xahiş edib.
"Operativ Məlumat Mərkəzi-OMM" bu barədə "Reuters" mənbələrə istinadən xəbər verir.
Əməliyyatların dayandırılması üçün son tarix noyabrın 21-dir.
Jurnalistlərin fikrincə, “Lukoyl” öhdəliklərini yerinə yetirmək və aktiv təkliflərini nəzərdən keçirmək üçün daha çox vaxt tələb edir.
Oktyabr ayında ABŞ və Böyük Britaniya “Lukoyl”u sanksiya siyahısına əlavə edib. Bununla belə, ABŞ-nin məhdudiyyətləri Xəzər Boru Kəməri Konsorsiumu və Tengizchevroil ilə sövdələşmələrə, Böyük Britaniyanın məhdudiyyətləri isə Qaraçaqanak və Şahdəniz layihələrinə təsir etmir. Bunun ardınca Rusiya şirkəti xarici aktivlərini satmaq niyyətində olduğunu açıqlayıb.
