"Qarabağ" birinci hissədə təhlükəli epizodlar yaradırdı".
"Operativ Məlumat Mərkəzi-OMM" xəbər verir ki, bu sözləri Fransanın "Lion" komandasının baş məşqçisi Pyer Saj UEFA Avropa Liqasının əsas mərhələsində Bakıda "Qarabağ"a 4:1 hesabı ilə qalib gəldikləri V tur oyunundan sonra təşkil olunan mətbuat konfransında deyib.
O, Ağdam klubunun ilk yarıda texniki cəhətdən yaxşı mübarizə apardığını bildirib: "Lakin ikinci hissədə müdafiədə yaxşı oynadıq. Hücumçularımdan razı qaldım. Rotasiyalarım işimizə yaradı. Son iki qolu rahat şəkildə vurduq. Düşünürəm ki, hesab oyuna görə olmadı. "Qarabağ" daha çox qol vura bilərdi. Azarkeşlər çox yaxşı dəstək nümayiş etdirdilər".
