"Barselona" yaxın vaxtlarda polşalı hücumçu Robert Levandovski ilə müqaviləni uzadacaq.
"Operativ Məlumat Mərkəzi-OMM" xəbər verir ki, bu barədə jurnalist Fabrizio Romano məlumat yayıb.
Hər iki tərəf müqavilənin uzadılmasında heç bir maneə görmür və yaxın həftələrdə bu məsələyə qayıdacaq.
Xatırladaq ki, forvardın kataloniyalılarla hazırkı müqaviləsi 2026-cı il iyunun 30-da başa çatır.
Bu mövsüm Levandovski bütün turnirlərdə 33 oyun keçirib, 31 qol vurub və 3 məhsuldar ötürmə edib.
Polşalı futbolçunun transfer dəyəri 15 milyon avrodur.
