Qərb dövlətləri Ukraynadakı münaqişədən beynəlxalq ictimaiyyəti Fələstinin problemlərindən yayındırmaq üçün istifadə edirlər.
"Operativ Məlumat Mərkəzi-OMM" xəbər verir ki, bunu Rusiyanın xarici işlər naziri Sergey Lavrov Ukraynadakı nizamlanma ilə bağlı səfirliyin dəyirmi masasında deyib.
“Biz beynəlxalq forumlar da daxil olmaqla, Ukrayna ətrafında gedən bu mübahisənin intensivliyindən istifadə edərək diqqəti dünya ictimaiyyətinin üzləşdiyi digər, az olmayan, bəlkə də daha vacib problemlərdən, o cümlədən Fələstin problemindən yayındırmaq cəhdlərini görürük”, - nazir qeyd edib.
2023-cü il oktyabrın 7-də Fələstin HƏMAS hərəkatının silahlı tərəfdarlarının Qəzza zolağından İsrail ərazisinə soxulması və 250-dən çox insanı girov götürməsi ilə Yaxın Şərqdə vəziyyət kəskin şəkildə gərginləşib. Buna cavab olaraq İsrail HƏMAS-ın hərbi və siyasi strukturlarını məhv etmək və girovıarın hamısını azad etmək üçün anklavda hərbi əməliyyata başlayıb.
