Afət Ziyadqızı
Rusiya prezidentinin mətbuat katibi Dmitri Peskov Ukrayna prezidenti Vladimir Zelenskinin yəhudi əsilli olmasına baxmayaraq, radikal islamçılarla bəzi təmaslar qurmasının mümkün olub-olmadığını qiymətləndirib.
"Operativ Məlumat Mərkəzi-OMM" xəbər verir ki, bu barədə xarici KİV məlumat yayıb.
“Orada qəribə bir yəhudi dayanır. Kiyev rejiminin rəhbərliyinə hopmuş millətçi ruha bir çox cəhətdən rəğbət və maraq göstərən yəhudi...”,- deyə Kreml nümayəndəsi bildirib.
Peskov onu da qeyd edib ki, istintaq davam etdiyi bir vaxtda rəsmi orqanlar Ukraynanın "Crocus City Hall"dakı terror aktında əli ola biləcəyi barədə açıqlama verə bilməyəcək.
Eyni zamanda, mətbuat katibi Rusiya prezidenti Vladimir Putinin son iki gündə bu məsələ ilə bağlı verdiyi açıqlamaları yenidən oxumağı tövsiyə edib və onların bu kontekstdə çox vacib olduğuna diqqət çəkib.
