Əli Məmmədli
“Rusiya Federasiyası və Türkiyə prezidentləri Vladimir Putin və Rəcəb Tayyib Ərdoğan təmaslara davam edəcəklər, lakin indi növbəti təmas üçün dəqiq tarix yoxdur, lazım gələrsə, dərhal görüşə bilərlər”.
"Operativ Məlumat Mərkəzi-OMM" xəbər verir ki, bu barədə Rusiya Prezidentinin mətbuat katibi Dmitri Peskov Şərq İqtisadi Forumu çərçivəsində RBK-ya müsahibəsində bildirib.
"Liderlər mütləq əlaqə təmaslara davam edəcəklər. Bilirsiniz ki, onlar çox tez-tez telefonla danışırlar və onların səfərləri kifayət qədər tez razılaşdırılır. Ona görə də indi dəqiq tarix yoxdur, lakin onlar razılığa gəliblər ki, lazım gələrsə, görüşmək üçün daha bir il gözləməyəcəklər. Lazım olduğu təqdirdə tez bir zamanda görüşə bilərlər”, - deyə Peskov qeyd edib.
