Kaliforniya ştatının (ABŞ) Los-Anceles dairəsində baş verən yanğınlar nəticəsində azı 11 nəfər həlak olub.
"Operativ Məlumat Mərkəzi-OMM" TASS-a istinadən xəbər verir ki, bu barədə CNN telekanalı məlumat yayıb.
Daha əvvəl ölənlərin sayı 10 nəfər idi.
Məlumata görə, beş nəfər Peliseyds yanğın zonasında, altı nəfər isə İton bölgəsindəki yanğında həlak olub.
Los-Anceles dairəsində 15,2 min hektar ümumi sahədə altı təbii yanğın davam edir. Ən böyük iki yanğın İton və Peliseydsdədir.
