Böyük Britaniyanın baş naziri Key Starmer Ukrayna prezidenti Volodimir Zelenski ilə telefon danışığında silahlı münaqişə kontekstində prezident seçkilərini keçirməkdən imtina etməsini ağlabatan hesab etdiyini bildirib.
"Operativ Məlumat Mərkəzi-OMM" xarici KİV-ə istinadən xəbər verir ki, bu barədə Böyük Britaniya baş nazirinin ofisi məlumat yayıb. məlumat yayıb.
“Baş nazir Ukraynanın demokratik yolla seçilmiş lideri kimi prezident Zelenskiyə dəstəyini ifadə edib və münaqişə zamanı seçkilərin təxirə salınmasının məqsədəuyğun olduğunu bildirib”, - bəyanatda deyilir.
Nümunə olaraq qeyd edib ki, Böyük Britaniya İkinci Dünya Müharibəsi zamanı da belə edib.
Departament qeyd edib ki, Böyük Britaniyanın baş naziri bütün tərəflərin birgə işləməsinin zəruriliyini vurğulayıb. O, həmçinin ABŞ rəhbərliyi altında Ukraynada sabit sülhün bərqərar edilməsi səylərini dəstəklədiyini bildirib.
Bundan əvvəl ABŞ prezidenti Donald Tramp Ukraynada seçkilərin keçirilməsinə çağırıb.
