İsrail polisi cümə namazı zamanı fələstinlilərin Əl-Əqsa məscidinə daxil olmasına mane olub

İsrail polisinin oktyabrın 7-dən etibarən 20-ci cümə namazı zamanı işğal altındakı Şərqi Qüdsdəki Əl-Əqsa məscidində fələstinlilərin namaz qılmasına mane olması gərginlik yaranıb.

"Operativ Məlumat Mərkəzi-OMM" xəbər verir ki, bu barədə xarici KİV məlumat yayıb.

İsrail polisi səhər saatlarından etibarən Şərqi Qüdsün Köhnə şəhəri ətrafındakı nəzarət-buraxılış məntəqələrində yerləşdirilib.

Polis tərəfindən Məscidül-Əqsaya buraxılmayan fələstinlilər İçəri Şəhərin Esbat (Aslan) Qapısı ətrafına toplaşıb. Aslan qapısı ətrafında cümə namazı qılmaq istəyən fələstinlilər İsrail polisinin müdaxiləsi ilə qarşılaşıblar. İsrail polisi dəyənək və güc tətbiq edərək fələstinliləri ərazidən uzaqlaşdırıb.