İsrail Hərbi Hava Qüvvələri 250 kilometr məsafədəki hədəfə çata bilən “Delila” raketləri vasitəsilə İrana məxsus olan və İsfahan ərazisində yerləşdirilən bir sıra hava hücumundan müdafiə sistemini sıradan çıxarıb.
"Operativ Məlumat Mərkəzi-OMM" xəbər verir ki, bu barədə İsrail Müdafiə Qüvvələri məlumat yayıb.
Məlumata görə, onların arasında “Tor-M1” sistemi, “Yastreb” zenit-raket kompleksi və Rusiyanın malik olduğu “Kasta” 2E2 RLS sistemi də var.
O da qeyd edilib ki, hava reydi nəticəsində Tehran ətrafında yerləşdirilmiş radiolokasiya qurğuları da zərərsizləşdirilib.
İsrail Ordusu sözügedən əməliyyatın görüntülərini də yayıb.
