İranın, İsrailə qarşı cavab hücumlarında əsas hədəf İsrail Müdafiə Qüvvələrinin (IDF) komandanlıq və kəşfiyyat (IDF C4i) qərargahı, həmçinin Qav-Yam Texnologiya Parkındakı ordu kəşfiyyat düşərgəsi olub.
"Operativ Məlumat Mərkəzi-OMM" xəbər verir ki, bununla bağlı xarici KİV məlumat yayıb.
Bildirilib ki, bu səhər İranın cavab hücumunda İsrail ordusunun komandanlığı və kəşfiyyat qərargahı hədəfə alınıb.
İsrail mediasının sözügedən məkanı “xəstəxana” kimi göstərməyə çalışdığını iddia edən xəbərdə hədəfin xəstəxananın yanındakı İsrail Müdafiə Qüvvələrinin komandanlıq və kəşfiyyat qərargahı ilə Gav-Yam Texnologiya Parkındakı ordu kəşfiyyat düşərgəsi olduğu qeyd edilib.
Vurulan hədəflərdə İsrail ordusuna aid minlərlə hərbi qüvvənin, rəqəmsal komanda sistemlərinin və kiber əməliyyat sistemlərinin olduğu iddia edilib.
