iPhone 15 ailəsində hansı rəng seçimləri olacaq?

Çindən gələn bir hesabat, iPhone 15-in standart və Pro modellərində mövcud ola biləcək rəng seçimlərini bir daha ortaya qoydu.

"Operativ Məlumat Mərkəzi-OMM" xəbər verir ki, şayiələrə görə, Pro və Pro Max modelləri qara, ağ və qızılı rənglərdən başqa heç vaxt görülməmiş tünd qırmızı rəng seçiminə sahib olacaq. Standard və Plus modellərində yeni seçim kimi tünd çəhrayı və açıq mavi rənglər ola bilər. Mənbə onu da vurğulayır ki, daha əvvəl iPhone-larda gördüyümüz bəzi klassik rənglər iPhone 15 seriyasında öz yerini alacaq.

iPhone 14 Pro və Pro Max modellərinə daxil olan Dynamic Island-ın iPhone 15 seriyasında standart olacağı gözlənilir. Apple-ın iPhone 16 Pro və Pro Max modellərində də ekranın altına Face ID qoyacağı deyilir. Bəzi analitiklər şirkətin 2026-cı ildə çıxacaq iPhone modellərində ön kameranı ekranın altına çəkə biləcəyini proqnozlaşdırırlar. Beləliklə, Apple yaxın 3 ildə iPhone ekranını təmizləmiş olacaq.