Ermənistanın baş naziri hökumət deputatları ilə qapalı görüş keçirib və Azərbaycan Prezidenti İlham Əliyevlə Münxen danışıqları barədə fikir mübadiləsi aparıb.
"Operativ Məlumat Mərkəzi-OMM" xəbər verir ki, bu barədə Ermənistanın “Joqovurd” qəzeti məlumat yayıb.
Millət vəkilləri ilə görüş üç saatdan çox davam edib.
“Əslində Paşinyan komanda yoldaşlarına eyham vurub ki, danışıqlar prosesində xüsusi irəliləyiş yoxdur, Münxen görüşü sadəcə görüşdür və heç bir mühüm razılıq əldə olunmayıb”, - deyə qəzet yazıb.
Yayım qeydlərinə görə, baş nazirin çıxışından sonra hökumət üzvləri ona suallar veriblər.
"Azərbaycan Xarici İşlər Nazirliyi ötən gün bildirmişdi ki, yaxın günlərdə Bakı və İrəvan sülh sazişi layihəsi üzrə danışıqlar aparacaqlar".
Nazirlik bəyan edib ki, danışıqlar prosesinin yenidən başlaması barədə qərar Azərbaycan prezidenti ilə Ermənistanın baş naziri arasında Münxen Təhlükəsizlik Konfransı çərçivəsində keçirilən görüşdən sonra qəbul edilib.
