Yəməndəki husilər İsrailin Ben Qurion hava limanını və paytaxt Təl-Əviv və Hayfa şəhərinin digər iki nöqtəsini raketlərlə hədəfə aldıqlarını açıqlayıb.
"Operativ Məlumat Mərkəzi-OMM" xəbər verir ki, bununla bağlı xarici KİV məlumat yayıb.
Husilərin hərbi sözçüsü Yəhya Seri verdiyi açıqlamada bildirib ki, Yəmən Silahlı Qüvvələri (Husilər) Zülfikar ballistik raketi ilə Lod Hava Limanına (Ben Qurion) qarşı ixtisaslı raket əməliyyatı həyata keçirib.
Seri Ben Qurion hava limanına qarşı əməliyyatın məqsədinə çatdığını və təxminən bir saat uçuşları dayandırdığını, milyonlarla israillinin sığınacaqlara qaçmasına şərait yaratdığını vurğulayıb.
Seri həmçinin Husilərin "Yaffa" tipli pilotsuz uçuş aparatları (PUA) ilə paytaxt Təl-Əviv və şimaldakı Hayfa şəhərində iki ayrı nöqtəni də hədəf aldığını bildirib.
