Afət Ziyadqızı
Hindistan Afrika, Cənubi Amerika və Cənub-Şərqi Asiya ölkələrinə silah və hərbi texnika tədarükünü artırmağı hədəfləyir.
"Operativ Məlumat Mərkəzi-OMM" xəbər verir ki, bu barədə “Reuters” mənbələrə istinadən məlumat yayıb.
Məlumata görə, Hindistan hakimiyyəti xarici alıcıları, o cümlədən kredit və ya siyasi risklərə görə adi maliyyələşdirməyə uyğun gəlməyənləri cəlb etmək məqsədilə silah alışı üçün uzunmüddətli güzəştli kreditlər verməyə hazır olduğunu nümayiş etdirib.
Adını açıqlamayan Hindistan rəsmilərinə görə, Yeni Dehli həmçinin 2026-cı ilin mart ayına qədər xaricdəki missiyalarına ən azı 20 yeni müdafiə attaşesi göndərməyi planlaşdırır.
Agentliyin mənbələrinə görə, Braziliya Hindistanın silah ixracına başlamağı planlaşdırdığı bazarlardan biridir. Yeni Dehli ölkəni “Akaş” hava hücumundan müdafiə raket sistemləri ilə təmin etmək üçün Braziliya hakimiyyəti ilə danışıqlar aparır və Braziliya üçün hərbi gəmilərin istehsalı üçün müqavilə imzalamağa çalışır.
