Afət Ziyadqızı
Hindistan Hərbi Dəniz Qüvvələri Ərəb dənizində dəniz quldurları tərəfindən əsir götürülən İran bayraqlı balıqçı gəmisini və 23 pakistanlı ekipaj üzvünü xilas etdiyini açıqlayıb.
"Operativ Məlumat Mərkəzi-OMM" xəbər verir ki, Dəniz Qüvvələrinin "X" sosial media platformasında verdiyi açıqlamada xilasetmə əməliyyatı və xilas edilən balıqçı gəmisi ilə bağlı təfərrüatlar yer alıb.
Açıqlamada İran bayraqlı “FV Əl-Kəmbər” gəmisinin 9 silahlı dəniz qulduru tərəfindən ələ keçirilməsindən sonra xilasetmə əməliyyatı çərçivəsində donanmanın 2 gəmi təyin etdiyi qeyd edilib.
Açıqlamada, təxminən 12 saat davam edən əməliyyatdan sonra gəmidəki dəniz quldurlarının təslim olduğu və 23 Pakistan vətəndaşından ibarət ekipajın xilas edildiyi bildirilib.
