Afət Ziyadqızı
HƏMAS BMT Təhlükəsizlik Şurasından (BMT TŞ) İsrailin hücumlarını dayandırmağı və blokadanı yarmağı tələb edib.
"Operativ Məlumat Mərkəzi-OMM" xəbər verir ki, bu barədə HƏMAS yazılı açıqlama yayıb.
Açıqlamada, İsrailin son 3 aydır Qəzza zolağına tətbiq etdiyi ağır blokadaya və bütün əhalini əhatə edən aclığa diqqət çəkilib.
“Qıtlıq Qəzzada uşaqları məhv edir və gələn yardım humanitar ehtiyac okeanında sadəcə bir damladır”,- deyə bəyanatda bildirilib.
HƏMAS-ın bəyanatı Ərəb və İslam dünyasını Qəzzaya yardım göstərmək, fələstinliləri dəstəkləmək və aclıq siyasətinə son qoymaq üçün təcili müdaxilə etməyə çağırıb.
