Livanın Baş naziri Nəvvaf Səlam 2020-ci ildə baş vermiş Beyrut Limanı partlayışında hələ də ədalətin bərqərar olmadığını və məsuliyyətin müəyyən edilməsində gecikmələr yaşandığını bildirib.
"Operativ Məlumat Mərkəzi-OMM" xəbər verir ki, bununla bağlı xarici KİV məlumat yayıb.
Baş nazir qeyd edib ki, Beyrut Limanı partlayışından sonra məsul şəxslərin cavab verməsi xüsusi bir tələb yox, milli məsələdir:
“Partlayışdan zərər çəkmiş insanların yarası hələ də açıqdır, çünki ədalət hələ də təmin olunmayıb və məsuliyyətin müəyyənləşdirilməsi gecikir. Ədalət olmadan vətəndaşlığın bir mənası, dövlətin bir dəyəri yoxdur. Hüquq olmadan dövlət olmaz, məhkəmə olmadan hüquq olmaz. Biz İsrail işğalını ölkə torpaqlarında sona çatdırmaq və suverenliyimizi yalnız öz imkanlarımızla bütün ölkə ərazisində təmin etmək istəyirik”.
