"ABŞ belə bir təkliflə rəsmi olaraq Avropa İttifaqına yaxınlaşarsa, Macarıstan Ukrayna üçün Amerika silahlarının alınmasını maliyyələşdirməyəcək".
"Operativ Məlumat Mərkəzi-OMM" xəbər verir ki, bunu Macarıstanın xarici işlər və xarici iqtisadi əlaqələr naziri Peter Siyarto deyib.
"Vurğulamaq istəyirəm ki, Ukraynaya macar pulu, macar silahları və macar əsgərləri göndərilməyəcək. Oraya heç nə göndərilməyəcək. Amerikanın Ukraynaya silah tədarükünün mümkün bərpası ABŞ prezidenti Donald Trampın münaqişənin həlli üzrə gələcək səylərindən imtina etməsi demək deyil. Yalnız onu deyə bilərəm ki, heç kim Ukraynada sülh üçün Tramp qədər iş görməyib. Avropa və Ukrayna liderləri son aylarda Donald Trampa əngəl törətməsəydilər, bu sülh səyləri daha uğurlu ola bilərdi", - o bildirib.
