“Qardaş Azərbaycanın 8 Noyabr - Zəfər Gününü ən səmimi duyğularımla təbrik edirəm”.
"Operativ Məlumat Mərkəzi-OMM" xəbər verir ki, bu barədə Türkiyə xarici işlər naziri Hakan Fidanın paylaşımda deyilir.
XİN rəhbəri Qarabağın azadlığa qovuşmasını təmin edən həmin tarixi mübarizənin qəhrəmanlarını ehtiramla anıb, Vətən uğrunda canını fəda edən bütün şəhidlərimizi rəhmətlə, qazilərimizi isə minnətlə yad edib: “Qarabağ Azərbaycandır! Bu həqiqət həm xalqların yaddaşında, həm də bölgənin gələcəyində əbədi yaşayacaq.
Bu gün cənab Prezidentimizlə birlikdə Bakıda olmaqdan, qardaşlığımızı bir daha dərindən hiss etməkdən və Azərbaycan xalqının qüruruna şərik olmaqdan böyük şərəf duyuruq”.
