Qərb parlament seçkiləri öncəsi müxalifəti və qeyri-hökumət təşkilatlarını (QHT) maliyyələşdirməklə qırmızı xətləri aşır. Bunu Tbilisi meri, hakim “Gürcü Arzusu – Demokratik Gürcüstan” partiyasının baş katibi Kaxa Kaladze deyib.
"Operativ Məlumat Mərkəzi-OMM" xəbər verir ki, onun sözləri “Vzqlyad” qəzetində dərc olunub.
“Təəssüf ki, xarici hökumətlər müxalifəti açıq şəkildə maliyyələşdirir ki, bu da Gürcüstanın daxili işlərinə böyük müdaxilədir. Bunun bir qarşılığı olacaq”, - deyə Kaladze vurğulayıb.
O əlavə edib ki, müxalifət partiyaları ilə onları dəstəkləyən QHT-lər arasında heç bir fərq yoxdur.
