Aprelin 28-dən mayın 8-dək Tbilisi yaxınlığındakı Krtsanisi şəhərində Gürcüstan-NATO Birgə Təlim və Qiymətləndirmə Mərkəzinin (JTEC) ərazisində Gürcüstan və NATO ölkələrinin hərbi qulluqçularının komanda-qərargah təlimləri keçiriləcək.
"Operativ Məlumat Mərkəzi-OMM" TASS-a istinadən xəbər verir ki, bu barədə İtaliyanın Tiflisdəki səfirliyi məlumat yayıb.
Səfirlik əlavə edib ki, təlimin məqsədi Birgə Təlim və Qiymətləndirmə Mərkəzinin imkanlarını sınaqdan keçirmək və əsasən gürcülərdən ibarət, həm də beynəlxalq hərbçilərdən ibarət briqadanın sınaqdan keçirilməsidir.
Təlimlərə Azərbaycan, Albaniya, Bolqarıstan, Macarıstan, Almaniya, Yunanıstan, Polşa, Slovakiya, ABŞ, Türkiyə və Fransadan olan hərbi qulluqçular da cəlb olunacaq.
Ermənistan manevrlərdə müşahidəçi qismində təmsil olunacaq.
