Gürcüstan Aİ-nin ölkə hökumətini dəyişdirmək üçün yeni cəhdlərinə işarə edib

Avropa İttifaqı Gürcüstanın demokratik yolla seçilmiş hakimiyyətini dəyişdirmək üçün səylərini davam etdirir.

"Operativ Məlumat Mərkəzi-OMM" xəbər verir ki, bu bəyanatla ölkənin xarici işlər naziri Maka Boçorişvili çıxış edib.

O qeyd edib ki, “Brüssel bürokratiyası” Gürcüstan hakimiyyətinin nümayəndələri ilə görüşməyib. Onun fikrincə, bu, ölkədə dəyişiklik yaratmaq üçün alət ola bilər. Nazir həmçinin qeyd edib ki, hökumət “şantaj və manipulyasiya cəhdlərinə” uymayacaq.

Gürcüstan Xarici İşlər Nazirliyinin rəhbəri həmçinin əlavə edib ki, Aİ-yə üzvlük ölkənin milli maraqlarına uyğundur. Lakin onun fikrincə, buna ancaq dialoq yolu ilə nail olmaq olar.