Filippinin şimalında təsirli olan Doksuri qasırğası nəticəsində həyatını itirənlərin sayı 6-ya yüksəlib.
"Operativ Məlumat Mərkəzi-OMM" xarici mediaya istinadən xəbər verir ki, səlahiyyətlilər, Caqayan bölgəsində təxminən 16 min insanın evlərindən təxliyə edildiyini, bəzi qəsəbələrdə daşqınların, bəzi bölgələrdə isə torpaq sürüşmələrinin baş verdiyini açıqlayıb.
Benguet əyalətində sürüşmə səbəbindən torpaq altında qalan evdə 4 nəfər, ölkənin şimalındakı Baguio şəhəri ilə İsabela əyalətində isə 2 nəfər həyatını itirib.
