Türkiyənin xarici işlər naziri Hakan Fidan Macarıstanın paytaxtı Budapeştdə keçiriləcək Türk Dövlətləri Təşkilatının Qeyri-rəsmi Zirvə toplantısında prezident Rəcəb Tayyib Ərdoğanı müşayiət edəcək və TDT Xarici İşlər Nazirləri Şurasının Qeyri-rəsmi toplantısında iştirak edəcək.
"Operativ Məlumat Mərkəzi-OMM" xəbər verir ki, bununla bağlı "TRT Haber" məlumat yayıb.
Nazir sabahkı Xarici İşlər Nazirləri Şurasının Qeyri-rəsmi İclasındakı çıxışında beynəlxalq sistemin sülh, sabitlik və ədaləti təmin etməkdə çətinlik çəkdiyi bir vaxtda MDB ölkələrinin regional sahiblik yanaşması ilə əməkdaşlığını günü-gündən gücləndirdiyini vurğulayacaq.
Fidan TDT ölkələrinin böyük türk dünyasının bir parçası olduğunu hər zaman diqqətdə saxlamaq lazım olduğunu və bu şüurla hərəkət etməli olduğuqlarını vurğulayaraq, Türkiyənin məruz qaldığı ədalətsiz və qeyri-insani təcrid qarşısında Şimali Kipr Türk Cümhuriyyəti (KKTC) ilə həmrəylik nümayiş etdirməyin TDT-nin ortaq vəzifəsi olduğuna inandığını bildirəcək.
O, TDT-nin təşkilati potensialını və imkanlarını gücləndirməyi, həmçinin nəqliyyat, enerji və davamlı inkişaf sahələrində əməkdaşlığı artırmağı hədəflədiklərini bildirəcək.
