İsrailin hücumları və blokadası altında olan Qəzza zolağında yerindən edilən fələstinlilərdən bəziləri Fələstin Dövlətinin müxtəlif ölkələr tərəfindən tanınmasını önəmli bir addım və qələbə kimi qiymətləndirərkən, digərləri bunun heç nəyi dəyişməyəcəyini düşünür.
"Operativ Məlumat Mərkəzi-OMM" xəbər verir ki, bununla bağlı xarici KİV məlumat yayıb.
Bildirilib ki, İsrail ordusunun Qəzza şəhərini işğal etmək məqsədilə hücumlarını gücləndirməsindən sonra fələstinlilər piyada, at arabası və ya velosipedlərlə “işgəncə və ölüm” adlandırdıqları məcburi köçə məruz qalırlar.
Qəzzanın şimalından cənubuna qədər uzanan sahil yolunda təhlükəsiz bir yer axtarışında olan fələstinlilər, son dövrlərdə müxtəlif ölkələrin Fələstin Dövlətini tanımasının Qəzzadakı soyqırımın dayandırılması istiqamətində irəliləyiş olacağına ümid edirlər.
