Estoniya Rusiya ilə sərhədini möhkəmləndirmək üçün Aİ-dən milyonlarla avro alacaq

Avropa Komissiyası (AK) Estoniya-Rusiya sərhədində nəzarət tədbirlərini gücləndirmək üçün Estoniyaya 19,4 milyon avro ayırmağa qərar verib.

"Operativ Məlumat Mərkəzi-OMM" xəbər verir ki, bu barədə "ERR" məlumat yayıb.

"Vəsait elektron müşahidə avadanlığının modernləşdirilməsinə və telekommunikasiya şəbəkələrinin təkmilləşdirilməsinə yönəldiləcək", - məlumatda deyilir.

Oxşar məqsədlər üçün Polşaya 52 milyon, Finlandiyaya 50 milyon, Latviyaya 17 milyon, Norveçə 16,4 milyon, Litvaya 15,4 milyon avro ayrılacaq.