Ermənistanda 4 müstəntiq narkotik maddələr satmaqda şübhəli bilinərək həbs edilib

Ermənistanda paytaxt İrəvanın Arabkir rayonunun istintaq şöbəsinin 4 müstəntiqi həbs edilib.

"Operativ Məlumat Mərkəzi-OMM" xəbər verir ki, bu barədə Ermənistan İstintaq Komitəsinin mətbuat katibi Qor Abramyan bildirib.

Onun sözlərinə görə, müstəntiqlər narkotik vasitələrin qanunsuz dövriyyəsi və vəzifə səlahiyyətlərindən sui-istifadə də ittiham olunurlar.

Ermənistan Milli Təhlükəsizlik Xidməti araşdırma apardığı üçün Qor Abramyan təfərrüatları açıqlamayıb.